Սեպտեմբերի 6-ից 8-ը արևը գտնվել է ակտիվ վիճակում: Արևի վրա տեղի են ունեցել չորս բռնկումներ, բռնկումներից արտադրվել է պսակի զանգվածների արտանետում (Coronal Mass Ejection (CME)):  Այս երևույթներից երկրագնդի վրա եղել է գեոմագնիսական փոթորիկ:

Առաջին բռնկումը տեղի ունեցավ սեպտեմբերի 6-ին համաշխարհային ժամանակով 01:50: 1283 արևաբծից տեղի է ունեցել արևային բռնկում, ռենտգենյան ճառագայթներ գրանցող GOES 15 արբանյակը, գրանցել է M5.3 դասի բռնկում: Այդ նույն օրը համաշխարհային ժամանակով 22:20 նույն բծից տեղի է ունեցել երկրորդ բռնկումը` X2.1 դասի: 

Սեպտեմբերի 7-ին համաշխարհային ժամանակով 22:38 նույն արևային բծից տեղի ունեցավ երկրորդ ուժեղ բռնկումը` X1,8 դասի: 

Սեպտեմբերի 8-ին համաշխարհային ժամանակով 15:46 նկատվել է M6 դասի բռնկում: Բոլոր բռնկումներից առաջացրել են պսակների զանգվածների արտանետումներ (CME): 

Սեպտեմբերի 9-ին համաշխարհային ժամանակով 11:24-ին Տիեզերական Ճառագայթների պատկանող Արագածի նեյտրոնային մոնիտորը (ArNM) գրանցել է մասնիկների հոսքի կտրուկ նվազում`Ֆորբուշ նվազում: Այն տևել է մինչև ժամը 13:14-ը: Ֆորբուշ նվազումից հետո` համաշխարհային ժամանակով 16:00 տեղի է ունեցել գեոմագնիսական փոթորիկ: Kp-ցուցիչը աճել է մինչև 7 արժեքը (առավելագույնը 9 է), որը տևել է մինչև 18:20: ՄԱգնիսական դաշտի խախտումը` չափված մոլորակային DST ցուցիչով նվազել է մինչև -75 նՏլ:

 Նկար 1:  Պսակի զանգվածների արտանետում  08. 2011թ. 15:46-ին